अकोला येथे पालकमंत्री ॲड. फुंडकर यांच्या हस्ते 'प्रोजेक्ट रक्षा' या अभिनव उपक्रमाचा शुभारंभ झाला. या कार्यक्रमाला जिल्हाधिकारी वर्षा मीना, पोलिस अधीक्षक अर्चित चांडक यांच्यासह अनेक वरिष्ठ अधिकारी उपस्थित होते. या प्रकल्पाचा मुख्य उद्देश पोलीस ठाण्याचे कामकाज अधिक प्रभावी आणि नागरिक-केंद्रित बनवणे हा आहे. 'रक्षा' अंतर्गत, प्रत्येक पोलिस ठाण्यात एक QR कोड लावण्यात आला आहे. यामुळे नागरिक कर्मचाऱ्यांच्या वागणुकीबद्दल थेट अभिप्राय देऊ शकतात किंवा गोपनीय पद्धतीने तक्रार नोंदवू शकतात. ही प्रणाली पोलिसांच्या कामाचे समग्र मूल्यांकन करून जनतेचा पोलिसांवरील विश्वास वाढवण्यास मदत करेल.
